Sartzeko eskaera epetik kanpo




Ostadar Haur Eskolan 24/25 ikasturtean plaza eskatzeko sistema digital bat prestatu dugu. Eskaera-inprimakira sartu aurretik, plaza eskatzeko prozesuari buruzko informazio orokorra irakurri behar duzu, eta bertan aurkeztu behar duzun dokumentazioa prest eduki. Agiriak ZIP artxibo konprimatu batean multzokatuta erantsi beharko dituzu, gehienez 18 megarekin.

Fitxategiak taldekatzeko, honela egin behar duzu:

 

  1. Antolatu zure mahaigaineko karpeta batean aurkeztu behar dituzun dokumentu guztiak.
  2. Aukeratu fitxategiak eta egin klik eskuineko botoian goitibeherako menua irekitzeko.
  3. Aukeratu zure ZIP programa eta klikatu «gehitu ZIP fitxategira».
  4. Egin klik «gehitu» botoian, prozesua osatzeko agertzen den leihoan.

 

Eskaera-inprimakiaren amaieran, eskabideari erantsitako zein dokumentu adierazi beharko dizkiguzu, eta prestatu duzun ZIP artxiboa eransteko aukera emango dizun check bat izango duzu.

Agiriaren sinaduran zure identifikazioarekin batera adierazi duzun telefono mugikorrera sms bat iritsiko zaizu zure nortasuna egiaztatzeko eta eskaera sinatzeko. Hori egin ondoren, atal berean adierazi duzun helbide elektronikora bidaliko dizugu eskabidea aurkeztu izanaren egiaztagiria, haren datuen laburpenarekin.

    1. HAURRAREN DATUAK

      2. FAMILIAREN DATUAK









    2. FAMILIA-EGITURA


    3. AUKERAK

      4. ORDUTEGIA
      Irteera 13:15

      EREDU LINGUISTIKOAK

    4. AITAREN, AMAREN EDO TUTOREAREN ZINPEKO AITORPENA







      5. AURKEZTU BEHARREKO DOKUMENTAZIOA:
      Bidali dokumentazio guztia ZIP artxibo batean, 18 Mb baino gehiago ez dituena, eta adierazi beheko checketan zer bidaltzen diguzun. (izartxoekin adierazitakoa nahitaezkoa da)

      *a) NANaren, pasaportearen, atzerritarrentzako bizileku-txartelaren edo aitaren eta amaren edo legezko ordezkarien nortasun agiriaren edo baliokidea den dokumentuaren fotokopia.
      b) Familiaren osaera frogatzen duen dokumentazioa:
      • Familia liburuaren fotokopia (gurasoak eta seme-alabak) edo, halakorik ez badago, antzeko agiri ofiziala osorik. Baldin familia liburuan ageri ez den seme-alabarik bada familia nukleoan, bestelako dokumentazioen bidez frogatu beharko da adibidez, jaiotza agirien, banantze edo dibortzio epaien eta abarren bidez.
      • Haurra harrera-egoeran dagoela edo adoptatua dela frogatzen duen agiria.
      • Banantzearen edo dibortzioaren kasuan, hura ezartzen duen epai judiziala edo legez frogatzen duen dokumentua.
      • Guraso bakarreko familia-karneta.
      c) Errenta mailak frogatzeko agiriak.
      • Familia-unitateko kide konputagarri guztien errentaren gaineko zergaren 2023eko aitorpenaren fotokopia. Hori egitera behartuta ez badaude, beste errenta edo diru-sarrera batzuk jaso izana justifikatzen duen dokumentazio ofiziala aurkeztu beharko da, edo, azken buruan, horien zinpeko aitorpena eta/edo zentroaren titularra den toki-erakundeak beharrezkotzat jotzen dituen dokumentuak, 2023 urteko familia-sarrerak zehazteko.
      d) Sarbide zuzenerako baldintza bereziak betetzen direla frogatzen duen agiria:
      • Haurraren desgaitasuna kalifikatzen duen ziurtagiria edo haurraren mendekotasun handia (III. gradua) aitortzen duen egiaztagiria eta/edo profesional batek egindako txostena, zeinetan deskribatzen diren hezkuntza premia berariazkoak ekar ditzaketen ezaugarriak.

     

    Datuen babesari buruzko oinarrizko informazioa

    Orkoiengo Udala eta Ostadar Haur Eskola kudeatzen duen enpresa dira inprimaki honetan jasotako datu pertsonalen tratamenduaren arduradunak. Datu horiek aurkeztu edo eskatu diren ikastetxerako izen-emate, eskaera eta matrikulari buruzko administrazio-prozedura kudeatzeko erabiliko dira. Tratamendua beharrezkoa da interes publikoaren izenean edo tratamenduaren arduradunari emandako botere publikoen izenean egindako misio bat betetzeko, Toki Araubidearen Oinarriak arautzen dituen apirilaren 2ko 7/1985 Legearen 27.3 e) artikulua eta Hezkuntzari buruzko maiatzaren 3ko 2/2006 Lege Organikoa, eta Nafarroako Foru Komunitateko haur-hezkuntzako lehen zikloa arautzen duen martxoaren 26ko 28/2007 Foru Dekretua.

    Jasotako datu guztiak beharrezkoak dira eskaerari erantzun ahal izateko, baita haurraren osasunari buruzkoak ere, horiek tratatzeko berariazko baimena ematen baitut eskaera hau sinatuz. Datu pertsonalak legez ezarritako segurtasun-neurriekin tratatuko dira uneoro, eta adingabearen ohorerako eskubidea, intimitatea eta irudia bera errespetatuko dira.

    Datuak adierazitako helburua betetzeko behar den denboran gordeko dira, eta Udalak eta Ostadar Haur Eskola kudeatzen duen enpresak tratamenduaren ondoriozko erantzukizunak izan ditzaketen bitartean biltegiratuko dira. Halaber, Artxibo eta Dokumentuei buruzko apirilaren 4ko 12/2007 Foru Legean ezarritako kontserbazio-arauak bete behar dira.

    Ez zaie daturik lagako hirugarrenei, legeak hala agintzen ez badu. Datuak eskuratzeko, zuzentzeko eta, zuzenak ez badira, ezabatzeko eskubidea duzu. Horretarako, Orkoiengo Irunbidea kalean dagoen Haur Eskolako bulegora edo ostadar@orkoien.com helbide elektronikora jo behar duzu.

    * 2024- 2025 ikasturterako taldekatze-modalitatea aldatu ahal izango da Hezkuntza Sailak berrikusitako plangintzaren arabera (9/2023 Ebazpena, urtarrilaren 25ekoa). Ikasgela bat aukeratutako hizkuntzarekin egiteko talde nahikorik ez badago, ikasgela elebidun bat egingo da, euskara eta gaztelaniarekin.